“Jemi ende në këmbë, nuk kemi vdekur akoma”/ Edi Reja dhe Elseid Hysaj flasin para sfidës me Estoninë!

Shqipëria do të luaj ndeshjen e fundit për këtë miqësore, ku do të presë në një sfidë miqësore Estoninë në stadiumin “Air Albania”. Në konferencën përpara ndeshjes kanë dalë, trajneri i Kombëtares, Edi Reja dhe kapiteni Elseid Hysaj.

Italiani i panikës kuqezi shpjegoi se çfarë nuk shkoi në dy sfidat e para përballë Islandës dhe Izraelit dhe se si do të luajnë kuqezinjtë përballë Estonisë.

Sa e rëndësishme është ta karikosh skuadrën?

Sigurisht që do të ketë rotacion. Në grup ka shumë lojtarë të mirë, që luajnë në skuadra të rëndësishme në Serinë A. Pritshmëritë për të bërë mirë janë të mëdha. Lojtarët janë të bindur. Disa prej tyre kanë pasur shumë ndeshje. Në këtë miqësore do t’i japim mundësinë që të aktivizohen të gjithë, edhe ata që nuk kanë luajtur. Jam i bindur që do të bëjmë shumë mirë dhe jam i bindur që nuk ka nevojë për të gjetur stimujt për të bërë një ndeshje të mirë me Estoninë.

I është komunikuar lojtarëve se kanë bërë shumë gabime, po punohet në këtë pjesë?

Sigurisht gabimet na kanë shoqëruar. Kam folur me skuadrën. Ne hymë mirë në fushë shumë mirë, por patëm një moment që humbëm ekuilibrin. Duhet të kemi parasysh kundërshtarin që kemi përballë. Të njohim forcën e kundërshtarit. Kur ata barazuan ishte një gabim i joni. Deri te goli i parë i barazimit ne bëmë shumë gjëra mirë. Flasim dhe për pjesën e penalltive. Ajo që nuk më pëlqeu ishte që pas golit të barazimit skuadra e pësoi në aspektin psikologjik. Ne duhet të reagonim dhe nuk e bëmë. Nuk duhet ta kishim ulur ritmin sepse nuk kishte mbaruar ndeshja. Jemi ende në këmbë, nuk kemi vdekur akoma. Të gjitha shanset janë aty. Ne duhet të besojmë dhe këtë qasje duhet të kemi në çdo ndeshje.

Emra të rinj në formacion përballë Estonisë?

Sigurisht ndaj Estonisë më intereson paraqitja. Dua të shikoj një ndeshje të bukur. Mund të kemi ndryshime në formacion, por kemi pasur disa probleme shëndetësore. Kemi disa lojtarë të rinj. Mund të shikojmë Çokajn, Vrionin por edhe Bajramin. Veseli dhe Lenjanin kanë pasur dhimbje gryke. Jemi duke shqyrtuar situatën, Hysajn mund ta lija pushim. Tre ndeshje janë shumë por ai është mësuar të bëjë të tilla sakrificash.

Ndërkohë, mbrojtësi i Kombëtares, Elseid Hysaj ka folur në konferencën për shtyp përpara sfidës ndaj Estonisë. Ai është rikthyer të flasë për ndeshjen ndaj Izraelit dhe ka përmendur se gabimet në fushë i kushtuan humbjen skuadrës.

Gabimet?

Trajneri ka te drejtë sepse duke rishikuar ndeshjen kemi bere gabime taktike dhe këto nuk duhen te përsëriten sepse jemi lojtar qe luajmë ne liga kryesore duhet te tregohemi me te kujdesshëm. E kishim përgatitur ndeshjen dhe e dinim që do të kishte kundërsulme, por prap nuk i evituam dot gabimet. Me Izraelin ishte një ndeshje që e kishim në dorë gabimet na kushtuan humbjen. Shpresoj që ato mos të përsëriten më.

Sezoni i lodhshëm?

Është e vështirë, por unë jam profesionist dhe gjendem gjithmonë gati në urdhrat e trajnerit, ashtu si edhe të tjerët. Ka dhe prurje të reja që trajneri do ti provoje dhe eshtë diçka e mirë sepse kemi nevojë për këta çuna të rinj.

Lacio?

Kam edhe 4 vite kontratë te Lacio, do vazhdoj aty dhe shpresoj te jem me mire se vitin e kaluar.